(297) 5224200

Hefe di e departamento di supervision di DOW, esta Carl Orman ta anuncia, hunto cu tur instancia y compania envolvi, cu dialuna dia 17 di oktober lo cuminsa cu e proceso pa baha e plaatchinan di asbest for di e dak di Rosa College. E proceso di kita e plaachinan, pone nan riba otro, seya nan den plastic, prepara nan pa transportacion den un container y controla e edificio pa residuo ta tuma mas of menos tres siman.

Ademas di renobacion completo, Rosa College lo conoce un expansion di su facilidadnan den e proximo lunanan.

Orman a splica cu tur bisiña a wordo avisa y a ricibi tipnan di prevencion durante di e periodo aki, aunke e asbest aki ta di "clase 1", pues e ta cay bao di e tiponan cu ta menos dañino. Asbest clase 1 ta solido y si e kibra mes no ta laga of bira un puiro cu ta supla bay den aire; e pidanan ta cay abao unda cu e kibra, segun Orman ta declara.

Sinembargo, no ta importa cua clase di asbest ta wordo traha cun'e, e grado mas halto di siguridad ta keda na vigor, segun rekisitonan di DTI, Dienst Technische Inspecties. Tur medida di precaucion y proteccion ta wordo manteni.

Orman a agrega cu usualmente ta purba di programa e procesonan aki den vakantie, pero esaki no tabata posibel den e caso di Rosa College. E destaho publico a tuma luga y riba dia 29 di juli a otorga e traboa na Albo. E contratista a scoge pa traha cu Arubaanse Wegenbouw https://www.viagrapascherfr.com/achat-viagra-generic/ como sub-contratista pa e tarea specifico aki como cu wegenbouw ta un di e companianan certifica pa DTI pa traha cu asbest.

E proyecto pa kita plaachi di asbest ta tuma un planning meticuloso, y tin solamente un grupo di compania cu ta certifica pa medio di DTI pa haci e trabao.

Rosa College ta ubica den un bario cu hopi trafico. Un otro factor cu a hunga un rol den e "timing" pa cu e proyecto ta cu e scol ta pega cu Misa di Playa, y a determina den combersacion cu e pastoor encarga cu e siman cuminsando cu dia 17 di oktober ta e miho momento pa cuminsa. No lo tin misa e siman aki, como cu e pastoornan lo ta atendiendo un conferencia.

Segun calculacionnan e bahamento di e plaachinan mes ta tuma mas of menos cuater dia. Despues ta sigui e otro pasonan; ta stapel e plaachinan, seya nan den plastic y pone nan den un container pa transporta nan for di e luga.

Prome cu e contratista cuminsa cu e trabao mes di renobacion y expansion, un otro instancia ta subi e tereno pa midi e cantidad di particulanan di asbest cu lo por tin den aire, y ta determina ki ora ta sigur, y e tereno ta "clear" pa e contratista por subi e tereno.